Veeransh shower ke neeche khada tha. Paani ekdum thanda tha — usne jaan boojh kar thanda rakh tha. Lekin koi fayda nahi tha. Uski chhaati ke andar jo aag lagi thi, woh paani se nahi bujhti. Woh aag Ruhani ke naam ki thi.

Uske haath deewar par tike hue the. Uski saansein bhaari si ho chuki thin. Aankhein band, aur peechay sirf ek hi chehra — Ruhani. Aaj shaam signal par khadi thi, hawa mein uske baal ud rahe the, woh apne aap ko sambhal rahi thi, apne hoth daba rahi thi, aur uski woh aankhein... god, woh aankhein. Jaise andar tak dekh rahi ho. Masoom bhi, aur andar kuch aisa bhi... jisne Veeransh ka dimaag kha liya.